Asi


عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

كل ما يخص مسلسل اسي تجدونه هنا


    قصة مسلسل عاصي

    شاطر
    avatar
    tubasi
    Admin
    Admin

    عدد المساهمات : 12
    تاريخ التسجيل : 10/09/2009

    قصة مسلسل عاصي

    مُساهمة من طرف tubasi في الخميس سبتمبر 10, 2009 6:28 pm

    [b]ASI[/b]



    اسم المسلسل
    متل ما الكل بيعرف المسلسل اسمه ASI و هو كناية عن شيئين الأول اسم البطلة


    و التاني هو ASI Nehri الموجود بتركيا و اللي بيمتد لحديت سوريا و بالعربي اسمو نهر العاصي .

    قصة المسلسل
    قصة العمل مقتطفة من رواية Pride & Prejudice للكاتبة Jane Austun ، و طبعا كلنا منعرف مدى نجاح الرواية وقت إصدراها عام 1813 بالإضافة إلى أنها ترجمت لعدة لغات بما فيهم اللغة العربية . كمان انعمل منها فيلم أميركي بنفس الاسم للمخرج Joe Wright مع الممثلين eira Knightley, Talulah Riley, Rosamund Pike . بس بالمسلسل أسقطت الرواية على البيئة التركية فطلعت بشكل جديد أحسن من اللي قبلو. قصة المسلسل بتحكي عن مزارع اسمه Ihsan Kozcuoğlu بيشتغل بالأراضي اللي ورثها عن أب طاغية اسمه يوسف آغا، Ihsan اللي معو شهادة حقوق متزوج و عندو أربع بنات بيحبهن كلهن بس في معزة خاصة بقلبه تجاه آسي، هو عاش قصص بالماضي رح تكون سبب بتحرك الأحداث بالمستقبل . بيوم من الإيام بيجي شاب من استنبول هدفه الانتقام فبيحاول ينبش قصص الماضي مشان ينتقم من كل شي ساواه الأب الطاغية ل Ihsan .من جهة تانية في قصة شاب اسمه Demir أصله من أنطاكيا بس اضطر يتركها و هو زغير بعدانتحار أمه ، صار من أشهر رجال الأعمال باستنبول ، مرة كان رايح بشغل بأنطاكيا و بالصدفة لاقى حالو على نفس الجسر اللي انتحرت فيه إمه ، بشكل أو بآخر قرر يظل بأنطاكيا مشان ينتقم لإمه بس في بنت اسمها ASI رح يلتقي فيها هنيك و رح تغيره و تخلليه يتخلى عن كل حقده. رح نعيش بالمسلسل مجموعة من الأحاسيس الرائعة و شغلات كتير حلوة ، المسلسل بينتمي للدراما الاجتماعية الرومانسية الواقعية مشان هيك كل الأحاسيس و المشاعر الموجودة بالحياة هي موجودة بالمسلسل، الفرح، الحزن، الانتقام، الخيانة، الظلم، السعادة، الحب، الكره، الأنانية، الخوف ..... بس أهم شي الكبرياء و عزة النفس رح يتعبولنا قلوبنا من ورا كبرياءن الغبي هههههه


    [color:1c04=red]شخصيات المسلسل
    متل ما بتعرفوا بالمسلسلات التركية في شخصيات بتضل من أول المسلسل لآخره و في شخصيات بتغادر قبل ما يخلص المسلسل و شخصيات ماعم تبين من بداية المسلسل . المهم أنا رح عرف عن الشخصيات اللي رح تبين بالحلقة الأولى و بعدين كل مانضافت شخصية جديدة رح تتعرفوا عليها.
    أول شي، بالمسلسل في عيلتين عيلة ال Kozcuoğlu و هي عائلة عريقة من أنطاكية عندهم أراضي زراعية بالمنطقة و بيشتغلو بالزراعة و تربية المواشي من زمان ، و البطلة بتنتمي لهالعيلة. و عيلة Doğan و هي عيلة البطل إجوا من استنبول لأنطاكيا مشان الانتقام.

    و هلأ رح نبلش بعيلة ال Kozcuoğlu:

    أولهم حبيبة الملايين Asiye Kozcuoğlu أو Asi Kozcuoğlu




    بتقوم بالشخصية Tuba Büyüküstün
    وهي تاني بنات العيلة، فتاة كتير حلوة بس ما عم تهتم بحالها كتير، متعلمة و بتشتغل طبيبة بيطرية بمزرعة أبوها، كتير بتحب الأرض و الزراعة و رعاية الحيوانات و بتهتم بعيلتها كتير و إذا حدا ساوالهم شي سيء يا ويلو، حياتها كلها بالشغل بالمزرعة ، حقانية و ما بتحب تظلم حدا كبرياءها و كرامتها أهم شي بحياتها. أكتر شي بتحب تعملو إنها تضل راكبة على حصانها و تتفتل بالمزرعة. هي بالأساس اسمها مو Asi هي اسمها الحقيقي Asiye (آسيي) على اسم ستها أم أبوها بس صار في لخبطة من لما كانت زغيرة عم ينادولها آسي لإنن بيخربطوا بين اسمها و اسم النهر و كمان لإنو Asi باللغة التركية بتعني شخص عنيد، راسو يابس ، متمرد و سريع الغضب ، و كل هالمواصفات ما شالله موجودة بالبطلة مشان هيك لاقوه كتير لايق عليها أكثر من اسم آسيي اللي ما إلو أي معنى . أحلى شي بالمسلسل علاقتها مع أبوها، فريدة من نوعها، كتير بيحبو بعض و بيلجأوا لبعض.


    Ihsan Kozcuoğlu


    بيقوم بالدور Cetin Tekindor
    و هو والد آسي و صاحب المزرعة، ورثها عن أبوه ، دارس محاماة بس ما عم يشتغل بهالميدان حب يكرس وقتو للمزرعة و بناته، يعتبر مثال للأب الحنون و الزوج الوفي ، عيلتو و أرضو أهم شي بحياتو عندو أربع بنات بس أكتر وحدة بيحبها هي آسي . ميزتو إنو مو متل الفلاحين الباقيين هو بيحب التعليم و خلى بناتو ياخدوا أحسن شهادات. قصص الماضي رح تعمللو مشاكل بس رح يعمل كل جهدو مشان يحمي عيلته.


    Nariman Kozcuoğlu



    بتقوم بالدور Nur Sürer
    والدة آسي و زوجة إحسان هاي بقى العنصر الكوميدي بالمسلسل شخصيتها مميزة ، غريبة الأطوار و كتير شايفة حالها و متل ما بيقولوا عنا بالشام هي من النوع اللي ما بيعجبو العجب ولا الصيام برجب، همها الوحيد هو تجوِّز بناتها . بس مع هيك بعتبرها من أحب الشخصيات لقلبي لإنها مرحة كتير و بتضحكني ههههه
    .

    Defne Kozcuoğlu



    بتقوم بالدور Selma Ergeç
    البنت الكبرى للعيلة هاي بقى فينا نعتبرها برنسيسة العيلة، عكس آسي تماما، مدللة حالها عالآخر ما بتعرف تعمل شي إلا اللبس و المكياج و ركوب الخيل. بس حبابة , درست برا و لما خلصت رجعت لتقعد بأنطاكيا . رح يصير معها شغلات كتيرة و شخصيتها رح تتغير.

    Gonja Kozcuoğlu



    بتقوم بالدور Aslıhan Güner
    البنت التالتة للعيلة هي كمان متل Defne و عكس Asi يعني هي كمان ما بتحب تشتغل بالأرض عم تدرس بالجامعة و رح يصير معاها مشكل كتير كبير رح نكتشفو مع توالي الأحداث .


    Jaylan Kozcuoğlu

    بتقوم بالدور Zeynep Copur
    آخر العنقود و مدللة الكل، بتدرس بالثانوي و بتعزف عالكيتار مرحة كتير و بتحب تمزح .
    [b]


    عدل سابقا من قبل tubasi في الجمعة سبتمبر 11, 2009 11:53 pm عدل 1 مرات
    avatar
    tubasi
    Admin
    Admin

    عدد المساهمات : 12
    تاريخ التسجيل : 10/09/2009

    رد: قصة مسلسل عاصي

    مُساهمة من طرف tubasi في الخميس سبتمبر 10, 2009 6:33 pm

    هلأ دور عيلة Doğan:

    Demir Doğan



    بيقوم بالدور Murat Yildirim
    شاب طموح من أنجح رجال الأعمال باستنبول عاش هو و أخته يتيمي الأب و الأم، عانى كتير بطفولته بأنطاكيا وغادرها و عمره 6 سنين، بعدين رجع من استنبول لحتى ينتقم. خالته تكفلت بتربيته هو و أخته بعد انتحار أمه ، كبرت جواته حقد تجاه العيلة اللي تسببت بموت أمه، Demir باللغة التركية بتعني الشخص الحديدي . رح يوقع بغرام آسي و رح يصير جواتو صراع بين حبه و وعده لخالته بالانتقام
    .

    Süheyla





    Melek Doğan



    بتقوم بالدور Elif Sonmez
    أخت دمير الزغيرة كتير طيوبة و مهضومة و بريئة عندها مشكلة من لما كانت زغيرة و هي الشلل بإيدها وعم يشتد عليها الحال لما بتتعرض لصدمة معينة وطبعا هالشلل رح تعرفو سببه بالحلقة الأولى، بالجزء التاني للمسلسل رح تنقلب 180 درجة و رح تصير هي المسبب الرئيسي للمشاكل بحياة آسي و دمير.


    Kerim



    يقوم بالدور Cemal Hünal
    رفيق دمير و بيشتغلو مع بعض بيعتبر متل الأخ بالنسبة لدمير و هو الساعد الأيمن إلو بيروح معو لوين مابدو و بيساعدو بكل شي. رح يحب ديفني بنت إحسان من أول نظرة.
    avatar
    mahli

    عدد المساهمات : 3
    تاريخ التسجيل : 11/09/2009
    العمر : 25

    رد: قصة مسلسل عاصي

    مُساهمة من طرف mahli في الجمعة سبتمبر 11, 2009 10:59 pm

    ahlin tubasi ana ktir 3ajabni halmontada had o 7abi ini achtirik ma3akoum.o had l mossalssal ktir zarif o 7ikaytou ktir mochawi9a 3achat asi
    avatar
    tubasi
    Admin
    Admin

    عدد المساهمات : 12
    تاريخ التسجيل : 10/09/2009

    رد: قصة مسلسل عاصي

    مُساهمة من طرف tubasi في الجمعة سبتمبر 11, 2009 11:02 pm

    chokran ya ikhti mahli 3la radik ljamil atamana laki 9ada2 wa9t jamil filmontada
    avatar
    mahli

    عدد المساهمات : 3
    تاريخ التسجيل : 11/09/2009
    العمر : 25

    رد: قصة مسلسل عاصي

    مُساهمة من طرف mahli في الجمعة سبتمبر 11, 2009 11:11 pm

    walah ana li bachkrik 3la zo2ik l7ilw winik isstadaftini 3indik f lmountada.ya tubasi .
    avatar
    mahli

    عدد المساهمات : 3
    تاريخ التسجيل : 11/09/2009
    العمر : 25

    رد: قصة مسلسل عاصي

    مُساهمة من طرف mahli في الجمعة سبتمبر 11, 2009 11:31 pm

    allah issa3di ya 7abibti tubasi minchan tkamli li btaditi fih hay lmountada rah ittawar wi sirr kili nass bi7ibouh wrah ninja7 i7na bjohdina o b3oun mina lah likay ntawaro ana far7ana ktir li2ino kawtarbti7bni la tida7aki 3alaya ya tubasi
    avatar
    tubasi
    Admin
    Admin

    عدد المساهمات : 12
    تاريخ التسجيل : 10/09/2009

    رد: قصة مسلسل عاصي

    مُساهمة من طرف tubasi في الجمعة سبتمبر 11, 2009 11:43 pm

    chokran 7abibti 3la ti9atik lkbira fini lah lay7rmni mink..wana kaman far7na li2no kawtar akadit aktar 7obiha la2ilk btmana lik 7ad said ma3aha

      الوقت/التاريخ الآن هو الأحد مايو 28, 2017 6:20 pm